Constitución de GEN

O pasado día 30 de xaneiro a Comisión de Investigación da Universidade de Vigo deu o seu visto bo á constitución do grupo de investigación GEN (Governance and Economics research Network). Dirixido polo catedrático de Economía Aplicada, Santiago Lago, e con sé no Campus de Ourense está formada por 21 investigadores de distintas universidades, tanto nacionais como extranxeiras.  Os seus ámbitos de interese son tres: a economía pública, a economía rexional e sectorial e a empresa familiar.  A súa filosofía de traballo en rede ten como obxectivo transferir coñecemento útil para o deseño e a execución de estratexias económicas e políticas públicas.

Máis información na súa web http://webs.uvigo.es/infogen